Эккажкъонгий-Юртарча дешархоша шоай дега йӀовхал йийкъар, Эбарга-Юртарча цӀен-интерната берашца
Эккажкъонгий-Юртарча №4 йолча ишкола кулгалхочун кхетам балара даькъ тӀарча гӀончаца Шоанахой Мариттайца, Эбарга-Юртарча «Йоакхо» яхача цӀен-интернате дика болам дӀабихьар. Ишкола, цӀен-интерната дешархой вӀашагӀкхетарах, бокъонца дола цӀай хилар. Дешархоша цӀен-интерната берашта совгӀаташ кийчдаьдар. Цар бӀаргаш, шоашта иштта терко ярах, диза дар эггара чӀоагӀа долча гӏаддахарах. Хӏаьта дешархошта цо хьалхадоаккхар дика гӀулакхаш леладе дезаш хилар», - аьлар «Сердало» газетага ГӏалгӀайчен дешара, Ӏилман Министерстве.
Эккажкъонгий-Юртарча ишколерча бераша кхетадир, новкъостал эшаш волча сага юстара хила йиш йоацилга.
Кхувш йоагӀача вай тӀехьенна цу тайпара дог лазаш хиларах, къахетаме хиларах бола кхетам бала беза, уж эшача накъабала кийча хургболаш; из даим царца хургболаш, цар дегашка, уйлашка, дикача хӀаман тӀакхувш уж хургболаш. Ховш ма хиллара дикача гӀулакхаша сийрдагӀа хетийт вай вахар…
