Арешка Ӏокхийсача машений чархаша Ӏалама деча зенах дийцар экологаша
Массайолча моттигашка санна, Ӏан ха хьаоттарца, машений чархаш хувца болабеннаб вай мехка; хӀаьта цхьайолча моттигашка дӀакхувсача чархех хьахинна гувнаш латт. Из хоам «Сердалога» бир Ӏалама гӀулакхех йолча министерствоc.
«Шолжа кхален моттигашка рейд дӀаяхьа арабаьннача хьун тӀахьожам лоаттабераш тӀакхаьчаб, дукха чархаш дӀакхайса ядача моттига. Геттара ийрча хиларал совгӀа, Ӏалама доккха зе деш моттиг я из! Талхаш, йоахкалуш ядача чархех хьаювлача хӀамо лаьттан, хина, гонахьарча Ӏалама деш дола зе дийца варгвоацаш да, хӀаьта цхьаболча наха санна уж йоагаяр-м гӀод тоха дезаш болх ба», - аьлар Ӏалама гӀулакхех йолча министерствос.
Бахархошка кхайкарал ду; нувхаш дӀакхувсача моттигашка, ор чу, хьунагӀа чархаш Ӏо ма кхувса, яхаш. ЛерттӀа сакхетам болча сага тишъенна чархаш цу гӀулакха лаьрхӀа йолча моттиге дӀахьоргья. ВӀалла хало йолаш хӀама дац из моллагӀча сага.
