Кхузанаькъан Эмир Санкт-Петербурга футбол езараша сий деш ва
16.09.2025 11:53
Гӏалгӏайчера Кузанаькъан Амир ва Санкт-Петербурге дика футбол гойташ. Тӏеххьара ловзар дӏахьош, вай мехкахочо ши бургац чутехар, яхаш, дийцар «Сердало» газетага Гӏалгӏай Республикан футбола Федераце президента Хьулахой Хаважа.
«Звезда» - «Динамо-2» тоабай ловзар чакхдаьлар тӏеххьарчар котало йоакхаш. Эмира шозза толам боаккхаш бургац чутехар, иштта бургац чутоха гӏо деш из дӏаяла а аьттув баьлар. Цкъа хьалхагӏа цо нийса шийна духьаларча наӏарашка кхоачайир из, цул тӏехьагӏа чуяьккхар дика ловзарах», - аьлар хоамо.
Диъ ловзара юкъе «Динамо-2» тоабанна чувоагӏаш хиннача Кхузанаькъан Эмира чота тӏа 4 балл я, цо тешал ду из кердача тоабанца сиха дӏаӏамаш хилара, яхаш, дийцар хоам баьчо.
