Чехка оарцагIбаьннача тока оагIон болхлоша юстардаьккхар нийсденна хатар
19.07.2024 10:49
Селхан сайран ялх сахьат доалаш, Наьсарерча «Къулбехьен-Малхбузе» оалача 110 Кв низ болча подстанце, цIаьхха, нийсденнача хатарах, ах шахьар ток йоацаш йисар.
«Къилбаседа Кавказа россетий-«Ингушэнерго» яхача оагIон йиъ тоаба араяьлар из гIулакх меттадоаладе. Шоай болх дика, бехктокхаме чакхбоаккхаш болча болхлоша къахьегарах, бархIлагIа сахьат долаш, гIулакх меттадоаладир.
Карарча хана, къаьсттача дехарах, 0,4 Кв низ болча оагIонца болх дIахьош боахк уж хьинаре нах. Бахархошка хоам бу, токаца моллагIа хатар ийккхача оарц деха деза, 24 сахьата болх беш йола номер: 8-800-220-0-220.
