GorӀlla яхача хин тӀа «халяль» яха белгало увттае бокъо луц республикерча ФАСо
25.07.2024 11:33
Москверча йий хьадеш йолча моттиго шоаш арахецача тайп-тайпарча малар чудолча банкаш тӀа «халяль» («хьаьнала») яха дош увттадара бокъо йийхкар вай мехкарча ФАСо. Из хоам «Сердалога» бир мехкарча кабминера.
«Цар леладер, цхьаккха бокъо йоацаш, харцахьа да, аьнна; соцам бир вай мехка, хӀана аьлча, унахцӀенон зе дe малар хьаьнала хила йиш яц! Хьаьнала да, яхаш, белгалдеш дола хӀама дегӀа могашал толхаеш хила йиш яц», - аьлар УФАС.
Наьха сакхетам кегабеш дола малар арахецарашка, «хьаьнала» яха дош цу тӀара дӀадаккха, аьннад. Нагахьа цар из дӀадаьккха ца хуле, доккха гӀод тохаргда из увттадерашта.
