«БӀаьсти-45» яха тӀема иллех йола фестиваль дӀайихьар Шолжа кхале
«БӀаьсти-45» яхача, Шолжа кхале дӀайихьача тӀема иллех йолча фестивале гулбелар республикан тайп-тайпарча моттигашкара начӀал дола дешархой. Из хоам «Сердалога» бир кхален депутатий Совете.
Сийлахь-боккхача Даьймехка тӀема хетадаь иллеш оалаш, халхар деш дар бераш. Къаьстта хоза хийтар кхелахошта кхален культуран цӀагӀарча бераша гойта «ГӀарагӀураш», «Салтий-кхалнах» яха номераш. Республике цӀихезача артисткас Мержой Любас Ӏомадаь бераш дар уж», - йоах тхога бенача хоамо.
ЛоархӀаме хьаьший бар цига Шолжа кхален райсовета кулгалхочун гӀонча Ӏалбаканаькъан Хаваж, кхален администрацен кулгалхочун гӀонча ЦӀечой Беслан, кхален администраце вахара оагӀонах йолча моттига кулгалхочун декхараш кхоачашдеш вола Галай Илез. Гулбеннараша доккха баркал аьлар лакха начӀал гойтача берашта.
