1992-ча шера маьцхали бетта Российски Федераце хоамий, зарбан министра  Полтаранин Михаила  кулг яздир, «ГӏалгӀайче» ГТРК хьакхоллача амара. Цул тӀехьагӀа, 32 шу даьннад.

Тахан ГТРК дика болх беш я; культуран, Ӏилман, аналитикан  доакъошца ювзаенна передачаш, иштта хоамаш деш, ший хьажархой гӀадбугаш.

Укхаза къахьегаш ба балха говзал лакха йола журналисташ, цар тоам бу вай республикерча бахархошта шоай хӀара кердача проектаца.

«Сердало» газето даькъалавувц канала кулгалхо Йовлой Берс, иштта ГТРК «ГӏалгӀайчен» беррига болхлой цу таьрахьаца. Хьалхашка латта декхараш кхоачашде, керда проекташ лаха таронаш хийла цар, могаш маьрша хилба уж.