«Реал Шолже» яха футбольни тоаба толамаш доахаш я
17.07.2025 11:19
Нохчий хьалхарча лиге «Amateur League» «Реал Шолже», «Дженоа» тоабашта юкъера ловзар 8:1 йолаш чакхдаьлар. Из хоам «Сердалога» бир футболах йолча Федерацера.
ТӀехьарча бӀале бархӀазза бургац чутоха аьттув баьлар вайчар. Кхо бургац чутехар Янарсанаькъан Мухьмада, Дзурабанаькъан Джамалейлас чутехар ши бургац.
Иштта белгалбаьлар цу ловзаре Сейнарой Мухьмад, ЦӀечой Абу, Адларов Фарган, Хазанаькъан Муслим, Чаненаькъан Ӏалаудин, ЦӀечой Абукар, Хьаьшанаькъан ИбрахӀим.
«Лакхача боараме ловзар дӀахьош я из тоаба, дошо майдилгашка кхача гӀерташ», - белгалдир футболах йолча Федераце президент волча Хьулахой Хаважа. «Реал Шолжен» аргӀанара ловзар «Мочха» яхача тоабанца хургда, дукха ца говш.
