«Чемпион» яхача ФОКа новкъостал дир Яндарерча бахархоша
12.09.2025 10:06
«Чемпион» яха физкультурно-унахцӏенон моттиг хьаллаьцар, новкъостал деш, юртарча шин сага, яхаш, дийцар «Сердало» газетага цу моттигера.
«Спортивни боахама новкъостал дара, физически культурацара берий безам совбаккхара, Султиганаькъан Мухьмадеи ӏийсаси кердача зале эшаш дола гӏирсаш ийцар. Цар новкъосталца ФОКе хӏанз ба кхоъ боксёрий «кхор», биъ залашта бола муш, иштта 100 хувцара лаьрхӏа йола лампа», - аьлар хоамо.
Комплекса кулгалхой тешаш ба спортивни хьалаша тренировкаш дӏаяхьара хьал тоадергхиларах, хургбола спортсменаш дикагӏа ӏомабергхиларах. Цар яхачох, бахархой дег чура боагӏача спортацарча безамо тренерий хьинар оарцагӏдоаккх унахцӏена тӏехье кхеяра.
