ГИТИСа ганзо Базорканаькъан Идриса цӀерагӀа стипенди хьожадаьд
Укх деношка ховш хилар, ГИТИСа ганзо Базорканаькъан Идриса цӀерагӀа керда стипенди хьожадаь хилар. Цо цӀихезача, культура, искусство дегӀайоалаяра доккха дакъа юкъеденача гӀалгӀай йоазонхочун цӀи лелаергья. Из эггара хьалха ийцар театроведчески факультета студенткас Ямилова Нурияс.
«Нурия хьинаре къахьегаш я Муртаза Идриса кхоллама болх бовзара, цун цхьацца балха статьяшта кепа техай цо. Цо дакъа лаьцад, гӀалгӀай литературанна кертте латтача йоазонхочун хетаяьча Ӏилман кхетаченашка, семинарашка. Базорканаькъан Идриса цӀерагӀа стипенди цунна далар да, театра даькъ тӀа цо даьр тӀаэцаш хилар, цунна карагӀдаьннар дукха хилар. Из иштта накъадаргда театра факультета студенташта, Ӏилман балха уж тӀакхебара», - аьлар «Сердало» газетага паччахьалкхен ашарий-драматически эрсий театре.
Хьалхара стипенди ийцачунна иштта мах бола ши совгӀат делар-чкъаьран цӀоках мужалт яь Базорканаькъан Идриса ши книжка, «Сай даьх» Базорканаькъан Азайна дагаухар, «Бӏаьшерен боадонгара» яха роман.
