Николс Джоханнас оттадаь дошлорг кхаьчар вай библиотеке
«Ӏngush-EnglӀsh and EnglӀsh-Ӏngush DӀctӀonaru» (ГӀалгӀай-ингалсий, ингалсий-гӀалгӀай лугӀат») яха Николс Джоханнай дошлорг кхаьчад вай къаман библиотеке. 6000 совгӀа гӀалгӀай дешаш чудола дошлорг арадаьлар 2004-ча шера. Тахан лаха атта доаца из дошлорг библиотеке дӀачуденнар ва вай мехкахо Ӏахилганаькъан Башир.
«Калифорне Беркли университете метташ тохкаш йолча факультета профессор я Николс Джоханна. Кавказера метташ тохкаш йола исторически лингвистикан говзанч я из. Цо белгалдаьчох, ах гӀалгӀай мотт бувцаш бола нах мел болча хана, гӀалгӀай метта хьал кхераме латт. Мотт баржаш ца хилча дӀайоал культура, Ӏадаташ, истореца дувзаденнараш. Метта сий цадаро, из дерригача дунен тӀара дӀабоаккх», - дийцар тхога библиотека болхло йолча Коазой Ӏашата.
