Къаман библиотекан ганзá цӀихезача Ӏилманхочун болх тӀакхийтар
Политически Ӏилмай доктор, исторически Ӏилмай кандидат, ГӀалгӀай паччахьалкхен университета дерригача исторен кафедра профессор Кокурхой Дугурхана шийгара совгӀата ГӀалгӀайчен Янданаькъан Жамалда цӀерагӀча Къаман библиотеканна ший кхоллам белар, цун балхаш чудоагӀаш хургда Ӏилман литературан мехктохкама ганза.
«Вай мехктохкама ганз кхы тӀа йизар мах болча политологе, исторе йоазонаша. Кокeрхой Дугурхана Ӏилман балха чудоагӀаш да Россе, ГӀалгӀайчен истори. Цун Ӏилман, Ӏилман-публицистикан балхаша хьагойт, советски ханашкара денз, хьадоагӀаш дола гӀалгӀай къаман истори.
Эггара чоалхане дола хаттараш кӀоаргга даьшхад Ӏилманхочо», - аьлар «Сердало» газетага ГӀалгӀайчен керттерча библиотеке.
Кокурхой Дугурхана болх мах болаш ба ГӀалгӀайчен, Къилбаседа Кавказа, Россе истори тахкара даькъ тӀа. Из иштта эшаш хургба Ӏилман тайп-тайпара балхаш деш болча говзанчашта, хьамсарча Даьхен, берригача вай боккхача мехка истори довза безам барашта.
