«Zа – бакъдар» яхача ганзо СВО доакъашхой берашта лаьрхӀа болам дӀабихьар
19.03.2025 11:04
Укх безача Рамадан бетта Даьла духьа болам дӀабихьа, СВО доакъашхой берашта 500 совгӀа мерза совгӀаташ делар мехка. Ганза доазон тӀа дӀадихьар из беркате гӀулакх.
«Сердалога» из хоам бир цу моттигера. «Ганза кулгал деча Хутенаькъан Рамзана хьаьший Рамадан беттаца даькъала бувцаш белгалдир, тӀема операце доакъашхой оагӀув хьаллацар тахан мел лоархӀаме да. БӀухошта, цар дезалашта могаш дола новкъостал лоаттаду ганзо тахан», - йоах хоамо.
Иштта йола кхетаченаш лоархӀаме я вайна юкъе, хӀана аьлча нах шоайла вӀашкаоз цар, барт, безам чӀоагӀбу.
