СВО доакъашхошта гӏо деш ба «Даьхен лорабой» ганза болхлой, Илдарха-Гӏалий тӏара мэри
Тӏема операце доакъашхошта, иштта цар цӏагӏарча наха низ дӏа ма кхоачча терко е хьожаш ба «Даьхен лорабой» яхача ганзе, шахьара мэре. Дӏадахача шера кхоачашде аьттув баьннарех дувцаш, кхетаче дӏайихьар ганза моттигерча филиала болхлочо Тиймарханаькъан ӏийсас, шахьара да волча Дидиганаькъан Ахьмада.
Илдарха-Гӏалий тӏа бахаш болча СВО доакъашхошта гӏо лоаттадарах, цар дезалашта терко ярах дийцар хьакимаша.
Иштта дӏахойодача хана, кхоачашде деза декхараш белгалдир цар. 2025-ча шера йоаржаяьча массехк проектах дийцар Темарханаькъан ӏийсас. Цу юкъе да тӏема аренашкара цӏакхаьчарий оагӏув хьаллацар; паччахьалкхен оагӏонцара новкъостал дар; студенташца, дшархошца Даьхенцара безам чӏоагӏбарах йола кхетаченаш дӏакхахьар.
Шахьара дас баркал аьлар ганза болхлошта, шоай декхараш бехктокхаме кхоачшде хьажарах. Дӏахо цхьана тӏатеӏӏа дӏабахьа лерхӏ цар цу оагӏонцара болх.
