СВО доакъашхошта гӀо лоаттадеш ба, «Даьхен лорбой» яхача ганза болхлой
29.01.2025 11:42
ТӀема операце доакъашхошта, цар дезалашта новкъостал лоаттаду «Даьхен лорбой» яхача ганза республикерча филиала болхлоша. Гелисханаькъан дезала гӀо дир ЖКХ оагӀон ахча дӀалуш. Из хоам «Сердалога» бир цу моттигера.
«ТӀема операце доакъашхочун цӀен-нанас Бекмарзанаькъан Марета новкъостал дийхача, сиха оарцагӀбахар ганза болхлой. Эшаш дола каьхаташ хьагулдаь, Магасера вахара Ӏалашонга хьожаш йолча Кетенаькъан Заремас цу наха 30% ахча тӀера Ӏодоаккхаргдолаш чӀоагӀдир. Ши бер долча къонача дезала хӀанзчул тӀехьагӀа кӀезигагӀа тела дезаргда ЖКХ ахча», - дийцар тхога.
ТӀема декхараш дизза кхоачашдеш хьавоагӀача Гелисханаькъан Мухьмада, денал хиларах, Жукова цӀерах йола майдилг еннай.
