«Даьхен Лорбой» яхача ганзо тӀема доакъашхой бераш дӀаоттадир берий беша
28.08.2024 12:12
ТӀема доакъашхой шин бера берий беша дӀаотташ гӀо дир «Даьхен Лорбой» яхача ганзо. Из хоам «Сердалога» бир ганза зарбан болх лелабераша.
«Караджу Беслана цӀен-нана ший ши йиӀиг, моттигаш цахиларах, берий беша дӀаоттае аьттув ца боалаш лела дикка ха яр. Фондагара гӀо дийхачул тӀехьагӀа, цун гӀулакха оарцагӀваьлар вахара хьашташка хьожаш вола ГӀаппархой Мухьмад-Башир. КӀир далалехь, цхьан кога тӀа даьккхар цо цун гӀулакх. Шоай цӀенна юхерча берий беша арадаргда бераш укх деношка», - дийцар тха газетага.
