«Даьхен лорабой» ганз терко еш я, цӏийоацар оала лазар дарий
Онколога Ди долаш, ГӏалгӀай Республикан «Даьхен лорабой» ганза вахарца бувзабенна болх лелабу Темарханаькъан Ӏийса вахар республикан онкологически диспансерерча унахошка хьажа.
«Цига цун вӀашагӀкхетар хилар керттерча лораца Балайнаькъан Мухьмад-Башираца, иштта лаьрххӏача тӀема операце доакъашхой гаргарча нахаца. Къамаьл деш, ганза викала хаьттар цар могашал, хьашташ дайзар, лорашта раьза бий хайра. Бӏухой гаргарча наха, къаьстта СВО бӀухой Дахкилганаькъан Зураба дас, Коазой Казбека нанас баркал аьлар лорашта, цар лоаттадеча гӀулакхех», - йоах хоамо.
«Тахан тха декхар да ветеранашта, цар гаргарча наха терко яр, цар хьашташ кхоачашдар, уж эшача хьаллацар. Ганза филиала дӀахо а шийна могар дергда дег тӀара царна новкъостал дара», - аьлар Темарханаькъан Ӏийсас.
Белгалду, диспансере унахошта мел эшаш дола хьалаш хьакхеллад. СВО бӀухошта къаьстта йола палаташ кийчъяьй.
