Чайка Юреца дӀайихьача кхетаче дакъа лоацаш хилар «Даьхен Лорбой» яха ганз
Къилбаседа Кавказерча федеральни куран РФ Президента массазара викал волча Чайка Юреца дӀайихьача кхетаче, дакъа лоацаш хилар «Даьхен Лорбой» яхача ганза моттигерча филиала кулгалду Оздой Муслим.
«Пятигорске дӀайихьача кхетаче, гулбелар «Даьхен Лорбой» яхача моттигашкарча ганзий доакъашхой, сага бокъонаш лораерах бола викалаш. Кхетаче дийцар, тӀема операцен доакъашхошта лоаттаде дезача новкъосталах.
Царна юкъе дар унахцӀенон оагӀонца мел эшар хилийтар, курорте бахийтар, вахара оагӀонцара, иштта кхыдола царна эшаш мел дола новкъостал лоаттадар.
Къаьстта йоккха терко тӀайохийташ дийцар тӀема операцен ветеранашта цхьацца говзал Ӏомае хьажарах, болх бе моттигаш хилийтарах», - йоах тхога кхаьчача хоамо.
Цу мугӀарера болх ма хулла тоабе соцам бир кхетаче.
