«Даьхен лорабой» ганзо МагӀалбике тӀаийцар, СВО бӀухо Ахкилганаькъан Адам
«Даьхен лорабой» ганза хьалхарча даькъ тӀа, МагӀалбик-Шахьаре тӀаийцар, ЛаьрххӀача тӀема операце мугӀарашка латташ, ког боацаш виса доакъашхо, яхаш, хоам бу «Сердало» газетага цу моттигерча зарбан болх лелабераша.
Петербургерча дарбанчера цӀавеча, Ахкилганаькъан Адам ше вера ганза кулгалхочунна Оздой Муслима, иштта вахара дешаш къестадеча Коазой Хьамида, ший хьашташ кхоачашдеча цар дика дакъа лацарах, баркал ала.
Бӏухочо дийцар, бувзама оагӏонашка ганзо ший хьал дӏакхайкадарах, из массанахьа дӀахезар; республикан кулгалхоша новкъостал дир шийна, яхаш.
«Со дарба деш мел волча хана, сона хоалуш дар паччахьалкхено, мехкахоша, гаргарча наха, дог лазаш бараша се хьаллоацаш хилар. Дукхача наха телефон йийттар сога, дарба хулий хар дезаш, аз баркал оал царна», - аьлар Ахкилганаькъан Адама.
Белгалду, хьалхагӀа «Сердало» газета яздаьдар Адама исторех, шийна йоккхий човнаш яьяле а, цо шиъ ах бутт тӀема мугӀарашка баьккха хиларах, из лоархӀаш вар де доацаш бейнарех. Цо тӀеххьарча денга кхаччалца, Луганска тӀема оагӀув дӀахецанзар.
