«Даьхен лорабой» ганзо Магӏалбике СВО бӏухой дезал тӏаийцар
09.12.2025 09:53
«Даьхен лорабой» ганза гӏалгӏай филиала Магӏалбика шахьаре тӏаийцар Лаьрххӏача тӏема операце бӏухой дезал, яхаш, дийцар «Сердало» газетага цу паччахьалкхен урхаллен зарбан болх лелабераша.
«Лаьрххӏача тӏема операце ветераний, бейнача бӏухой гаргарча наьха хаттарашка ладийгӏар Гӏалгӏай Республикан Халкъа Гуллама депутата Дарсиганаькъан Мухьмада, «Даьхен лорабой» ганза вахара лостам бола болх лелабеча Коазой Хьамида.
Магӏалбика кхален бахархой хаттараш дар дарба де арахьа баха безаш хиларца, иштта вахара программаца дувзаденна. Бейнача бӏухой дезалашта новкъостал дир, царна хьалхадаьккхар де дезар, иштта психологически гӏо дир. Массане хаттараш кастлуш кхоачашдаь хургда аьнна тешал дир», - хоам бу газетага.
