ТӀема доакъашхой дезалашца экскурси дӀайихьар «Даьхен Лорбой» яхача ганзо
02.08.2024 15:31
«Кхетам» яхача оагӀоно, «Даьхен Лорбой» яхача ганза моттигерча филиало «Даьхен гӀулакха латт со» яха проект йоаржаеш, лоалахарча республике экскурси дӀайихьар, тӀема доакъашхой дезалашца. Из хоам «Сердалога» бир цу гӀулакха хьалхалаттараша.
«ХӀирий мехкарча тӀема исторен музее хьожаш хилар тӀема доакъашхой гаргара бераш. Гизель яхача юрта тӀема хана лаьттар довзийташ, вай бӀухоша гойтача майралах дийцар берашта. БӀухой тӀема никъ бовзаш, тӀема ханашкарча хӀамашка хьежаш, ха дӀайихьар цар», - йоах тхога бенача хоамо.
Иштта берий аьттув хилар аэроклубе баха, тӀема лётчик хиннача Козырев Русланаца къамаьл де. Авиаце майора ший балхацара дукха тамашийна хӀамаш дийцар берашта, хьехар дир, массахана спортаца бувзам лелабеш хила, аьнна.
