Къаман библиотекан ганзаш хьалйизар курхьарсах болча балхо
Янданаькъан Жамалда цӀерагӀча Къаман библиотека ганзаш хьалйизар «Курхьарс. Даьреца къайлаяьккха курал» яхача тамашийна дикача исбахьален балхаца. Из библиотеканна совгӀата делар книжка яздаьча Чиленаькъан Хьавас. Карарча шера Москве арадаьннача цу книжка тӀа дувц хьалхарча ханашка гӀалгӀай кхалнаха керта тӀа техкаш хиннача гӀирсах-курхьарсах.
Ахьмада Хьавас дувц, «Курхьарс. Даьреца къайлаяьккха курал» яха проект хьа мишта кхеллай. Цун керттера маӀан да, кхувшбоагӀарашта исторически тӀехьале йитар. Из проект хьакхоллаш, автора курхьарсах мел бола хоам дика Ӏомабир. ГӀалгӀайчен истори тохкачар дукха яздаьдар курхьарсах лаьца, цар шоай кхоллама балхашка гӀолла хьагойтар из», - аьлар «Сердало» газетага Къаман библиотеке.
Из къахьегам ГӀалгӀай культуран тӀехьален юкъе лоархӀаме дакъа дӀалоацаш ба, яхаш, дийцр мехка библиотекан викалаша.
