«Дешар» яха кхетаче дӀахьоргья университете
07.09.2023 11:31
ХьатӀадоагӀача шинарча дийнахьа «Дешар» яха кхетаче дӀаяхьа лерхӀ паччахьалкхен университете. Шоаш Ӏомадаьча гӀулакха тӀехьа дикка гаьнабала, цу лостамагӀа толамаш даха Ӏомабергба кагирхой цига. Къахьега ловш волча сага хаттарашта жоп лургда.
«Вахара гӀулакхаш хӀара денна хувцалуш доагӀа, цунга хьежжа, таханарча ханаца гӀа боаккхаш хила деза вай къахьегама наькъ тӀа.
Цхьадолча хӀамашцара кхерам дӀабаьккха, ший гӀулакха тӀа дикка гаьнавалара эшараш довзийтаргда гулбеннарашта», — дийцар тхога университетерча болхлоша.
