Ӏаьлий-Юртара футболист ГӀазданаькъан Идриса белгалваьлар ГӀалгӀайчен чемпионате
08.09.2025 10:26
Ӏалий-Юртарча футболиста ший начӀал гойтар ГӀалгӀайчен чемпионате. ДӀайихьача яхьий чаккхенах, полузащитника «дикагӀа вола ловзархо» яха цӀи елар, яхаш, хоам бу «Сердало» газетага футбола Федераце президента Хьулахой Хаважа.
«Хамхи» яхача Шолжа ФК ловзаш ва Идрис, ший тоабо чутехача ерригача пхе бургацах дакъа доаллар цун, цо чутехар цхьа бургац, йиъ бургац чуяккха гӀо дир. Цу тайпара толам тамашийна ба, хӀана аьлча хьалхарча тайме чот яр 1:4 шолжахой оагӀорахьа котало йолаш. Иштта дале а, «Ӏаьлий-Юрт» ФК, ше толаш хилар дӀадала ловш яцар. Чот 5:4 йолаш чакхдаьлар из ловзар», - йоах хоамо.
ГӀалгӀай Республике гӀолла йолча футбола федераце даькъалавувц Идрис цо футбола даькъ тӀа иштта толам баккхарах.
