ДӀабахача беттара эггара толашагӀа вола футболист хилар Мархенаькъан Адамах
03.04.2025 10:38
«Арис» яхача тоабан юкъера эггара толашагӀа вола ловзархо хилар Мархенаькъан Адамах дӀабахача бетта. Лакха говзал гойташ лайзар вай мехкахо Латве дӀайихьача чемпионате. Из хоам «Сердалога» бир футболах йолча федераце зарбан болх лелабераша.
«Лакха начӀал дола спортсмен, йоккха юкъ ялалехь массанена везавелар. Цун ловзаре лоархӀаме моттиг дӀалоацаш яр Латве дӀайихьа чемпионат. Кердача моттиге сиха дӀаӀамаш вола, ший гӀулакх дика довза ловзархо лоархӀ вай мехкахочох», - дийцар тха газетага.
