Финлянде гулъяьча тоабанна юкъевахав футболист Мархенаькъан Адам
13.03.2025 09:48
Къамашта юкъерча ловзаре Финляндерча футбола тоабанна юкъевахар вай мехкара Мархенаькъан Адам. Из хоам «Сердалога» бир футболах йолча федераце зарбан болх лелабераша.
«Финляндера тоаба, вай мехкахо юкъе волаш , 23 сагах латташ я. Укх бетта 22-ча дийнахьа Мархенаькъан Адам Гуржий мехкарча тоабанца ловзаш хургва, 25-ча дийнахьа Словенерча футболисташта духьала араваргва из», - йоах хоамо.
Ахкан хьалхарча бетта 12-ча денгара ахкан шоллагӀча бетта 5-ча денга кхаччалца, кагирхой тоабай Европа чемпионате дакъа лоацаш хургва Адам. Словаке дӀахьоргья чемпионат.
