ЮФЛ-3 борза майдилг йоаккхаш белгалваьлар, футболист Тӏоаршхой ӏимран
25.11.2025 11:08
Кагирхой футбольни лиге кхоалагӏа моттиг яьккхар Тӏоаршхой Имрана. 15 шу даьннача вай мехкахочо, дика белгалвоалаш, 21 ловзар дӏадихьар. «Сердалога» из хоам бир футболах йолча Федераце президент волча Хьулахой Хаважа.
«ЦСКА доакъашхо волаш, дика толам боаккхаш хьавоагӏа футболист. 2010-ча шерарча доакъашхой тоабанца 23 ловзара юкъе дакъа лаьцад цо, шин моттиге мара ӏажагӏа карточка (гӏалатвалар) ца гойташ.
Шийна тӏадехка декхараш говза кхоачашдеш хиларах, толашагӏа волча кхаьннена юкъе ва Имран», - дийцар тхога. Кагирхой футбольни лиге-2 дакъа лаца кийчлуш ва футболист дӏахо.
