ГӀалгӀайчен футболист ловзаш ва Москверча ЦСКА
09.03.2025 16:27
Футболист Шоанахой Темарлан (ЦСКА) Эскара керттерча спортивни клубе ловзаш ва, из вӀашагӀъеллай 1911-ча шера, аьлар ГӀалгӀай Республикан футбола Федераце.
«Укх деношка профессиональни бартчӀоагӀама кулг яздир футболиста Московски спортклубаца, цо чӀоагӀду вурийтта шу даьнна Темарлан ЦСКА юкъевоагӀаш хилар», - йоах хоамо.
Из дикагӀчарех цаӀ вола ондаргий футбольни лига-2 полузащитник ва. 18-зза ловзаш, цо 11-зза толам баьккхаб: 5 бургац чутехай, ялх чутоха гӀо даьд.
Белгалду, хьалхагӀа «Сердало» газето яздаьдар цу спортсмена «ДегӀаахара кубок» яхача халкъашта юкъерча турнире дика дакъа лацарах.
