Вай футболисташ дакъа лоацаш хургба Ӏан чемпионате
28.11.2024 15:46
ГӀалгӀай Республикан футбола федераце 2024-2025 шерашкара ГӀалгӀайчен Ӏан чемпионате дакъа лаца ловрашкара дехараш дӀачуэцаш бола болх дӀаболабир, яхаш, дийцар «Сердало» газетага.
«Республикански яхьашка футболисташа гойтаргья шоай ловзара говзал. Цу гӀулакха лаьрххӀа дола дехар дита деза ГӀалгӀайчен футбола Федерацега, оагӀой бетта 9-ча денга кхаччалца», - аьлар хоамо.
Белгалду, футбол наха езаш, чӀоагӀа яьржа йола спорта оагӀув хилар. Вай мехкахоша каст-каста дакъа лоац цу юкъе, кхыметтел моллагӀа мугӀарера нах ловзаш хилча а.
