ГIалгIайчен футболисташа эшайир Ставрополера тоаба
24.06.2025 15:31
Укх деношка гIалгIай футболисташа гойтар шоай лакха говзал хилар Ставрополерча тоабанца ловзаш. Из хоам «Сердало» газетага бир моттигерча спорта министерствос.
«Динамо», «Ангушт» яхача шин тоабан вIашагIкхетар чакхдаьлар чот 1:0 йолаш, котало вайчаргахьа а юсаш. Из бахьан долаш, вай спортсменаш турнира хьалхарча мугIар тIа баьлар», - йоах хоамо.
Физически культуран, спорта Министерствос «Ангушт» даькъалаювц коталонца, дIахо а футболисташа толамаш дахар ловш.
