Илдарха-Гӏалан викалаш зӀамигача футболах йолча яхье котбаьлар
23.06.2025 16:40
Илдарха-Гӏалан футболисташа котало яьккхар йийлла мини-футбол дӀахьош, из хетаяь яр шахьар хьакхелла 30 шу дизара, аьлар «Сердало» газетага из болх вӀашагӀбеллараша.
«Ловзаш хиннача моттига даьша гойтар шоай спортивни говзал, таронаш. Юххера а, ловзар чакхдоалаш, аьттув баьлар Илдарха-ГӀалий тӀарча спортсмений.
Доккха дакъа юкъедера дика ловза ховш волча вратара, кхыметтел цкъа а ший наӀарех бургац чу ца йоаккхийташ. ШоллагӀа моттиг яьккхар «Шолже» цӀи йолча Эбарга-Юртарча гулъяьча тоабо. Хӏаьта Шолжен викал йолаш хиннача «Академи Хамхи» кхоалагӀча моттиге нийсъелар», - аьлар хоамо.
Иштта дика ловзарах, шахьара мэре дикагӀа йолча кхаь тоабанна майдилгаш, дипломаш, мах бола совгӀаташ делар.
