Моттигерча архива хьал тохкаш хилар ГӀалгӀайчен ГАС
«ЦаӀ йола Росси» яхача политически парте каьхаташцарча архива, республикерча тӀахьожама-дагардара палата архива хьал тохкаш болх дӀабихьар укх деношка мехкарча Паччахьалкхен архива болхлоша. Из хоам «Сердалога» бир цу моттигера.
«ЦаӀ йола Росси» яхача регионерча оагӀон архиве чура каьхаташ, боаггӀача боараме деррига гӀулакхаш дӀаяздаь хилар, иштта кхыдараш а, кхоачамбоацараш юкъе доацаш, долга бӀаргадайра ГАС болхлошта. Ма дарра аьлча, цу оагӀонцара гӀулакх боаггӀача боараме леладу цар. Цхьацца долча хувцамех хьалхадаьккхар царна.
ТӀахьожама-дагардара палате техкар архива беррига болх, каьхаташ лорадара гӀулакх цар миштта дӀахьу хьежар. ТӀехьа тӀабоагӀарашка телха доацаш таханара лоархӀаме каьхаташ дӀакхоачаргдолаш, уж мишта дӀадахка деза, малагӀа хӀама да теркаме лаца дезар хьалхадаьккхар ГАС болхлоша.
«Иштта дӀакхухьача рейдаша дикка пайда бу, аьнна, хет; вай мехкарча архивий ганзашта», - белгалдир Паччахьалкхен архива къахьегамхоша.
