«Сердало» газето хоамашца хьаллоацаргья ГБУ РРЦ
«Сердало» газето ший хоамашца новкъостал дергда ГБУ РРЦ, «Тароний дунен чу гӀа баккхар» яха программа кхоачашъеча, «Тароний ане» яхача Тимченкой ганза яхьанна.
Могаш доацача берий-заӀапхой Республикански центра болхлоша вӀашагӀъеллай «Тароний дунен чу гӀа баккхар» яха проект. Из проект лаьрхӀа я; бераша, кхувш боагӀараша шоай таронаш хьагойтара; шоайла къамаьлаш деш, цхьоагӀо йолаш уйла е Ӏомабалара; хьаькъале гӀулакхаш Ӏомадера. Керттера дар да тоабашца беш бола болх, шоайла дага а боалаш беш хилар», - аьлар цу моттига кулгалхочо Дударанаькъан Ӏаьлас.
Из тешаш ва, цу проекто таро хулийтаргья могашал яйнача берашта шоай вахара никъ лаха, шоашта ховш дар нахалдаккха, професси харжа.
Из проект кхычарна тара яц, интерактивни оалача кепара дувцаш дар берашта экрана тӀа гуш хургдолаш, цар безам дукхагӀа тӀагӀоргболаш вӀашагӀъелла хиларах. Белгалду, дӀадахача шера, берий могашал меттаоттаяра Республикански центра 10 шу даьнна хилар. Из мехка Ӏаьдало, цунна чудоагӀача доакъоша, юкъара болх бераша даим теркам лоаттабеш я.
