«Газпром межрегионгаз Наьсаре» яхача моттиго, ЖКХас цхьана дӏахьош бола болх тоабеш латт
17.09.2025 09:20
Газа оагӏонцарча, ЖКХ болхлоша таханарча дийнахьа шоашта хьалхашка латтача керттерча декхарех дийцар. Из хоам «Сердалога» бир газа моттига зарбан болх лелабераша.
АО «Газпром межрегионгаз Наьсаре» яхача моттиге дӏайихьача кхетаче, цу оагӏонцарча балха кулгал деча Лаьнанаькъан Элберда, ЖКХ министра Султиганаькъан ӏумара дийцар газацарча наьха декхарех, бокъо йоацача тайпара газ дӏахувттарах, газацара гӏирсаш кхерам боацача тайпара лоаттадарах.
Лаьнанаькъан Элберда белгалдир, республикерча хьакимашца цхьана болх дӏахьош хиларо цу оагӏонца дувзаденнараш дикагӏа меттадоаладарах. «Цхьана дӏакхухьача кхетаченашка гӏолла, дикагӏа аьттув боал кхоачамбоацараш нийсде», - аьлар АО «Газпром межрегионгаз Наьсаре» яхача моттига кулгалхочо.
