ГИБДД, ЮИД Эбарга-Юрта дӀабихьар «Водитель, дӀатӀехвалийта гӀашло!» яха болам
29.04.2025 16:14
ГӀалгӀайчен ГИБДД болхлоша, Эбарга-Юртарча №2 йолча ишкола къонача инспектораша «Водитель, дӀатӀехвалийта гӀашло!» яха болаш дӀабихьар. Из дӀахьош хилара бахьан дар, наькъашка кхерамзле хилийтар. Из болх дӀабихьар наькъа дехьабувла нах дукхагӀа болча моттигашка, яхаш, дийцар «Сердало» газетага лаьрххӀа хьабайтача хоамо.
«Водитель, дӀатӀехвалийта гӀашло!» яхача кхайкаралца, бераша водителий терко тӀаозар, гӀашлой бокъонаш лораяра. Къонача инспектораша иштта гӀашлошта хьалхадоаккхар, цу гӀулакха обиллача наькъа оасан тӀагӀолла дехьавалар лоархӀаме долга.
Из болх вӀашагӀболлара тӀахьийхар водителаш, гӀашлой дехьабоалача наькъа бокъонаш лораяра, массаболча новкъа леларашта кхерамзле хургйолаш.
