Ульяновске дӏахьоча «Меттаоттадар» яхача яхьашка дакъа лоацаргда вай мехкарча гимнасткас
28.01.2026 09:13
Исбахьален гимнастиках йолча мехкашта юкъерча яхьашка, дакъа лоацаш хургья вай мехкахо. Из хоам «Сердалога» бир спорта гӏулакхех йолча министерствон зарбан болх лелабеча Гӏаппархой Аишас.
«Укх бетта 20-ча денгара 30-ча денга кхаччалца Ульяновске дӏахьоргйолча яхьашка къоастабергба Россе Чемпионата юкъе хургбараш. Вай мохк дӏабовзийташ йола гимнастка ОФСОО «Авангард» яхача спорта оагӏонца кийчо яь я.
Белгалде деза, вай мехкарча спортсменкай вахаре, уж яхьаш дӏахо ший гӏулакх дикка тоадара тӏехьа лакха лоархӏам болаш йолга.
