ГӏалгӀайчен гимнасткаш гулъяьча тоабанна юкъебаха хьожаргба
ГӏалгӀайчен гимнасткаш шоай бокъо яккха хьожаргба, мехка гулъяьча тоабанна юкъебаха дагахьа. Подмосковье дӀахьоргда вӏашагӏкхетар, цига (2012-2013 шерашка баьчар) ондаргий гулъяь тоаба вӏашагӏйоллаш, массехк упражнени дикагӏа ю гимнасткаш хоржаргба, яхаш, дийцар, мехка спорта Министерстве.
«ГӏалгӀай Республикан исбахьален гимнастикан Федерацера цига я шиъ спортсменка. Уж дакъа лоацаш хургба, 2026 шера наджгоанцхой бетта 12-ча денгара 15 -ча денга кхаччалца, паччахьалкхен Федеральни бюджетни урхаллен даькъ тӀа, «Новогорск» оалача дешара-кийчо еча центре. Бургац, зига оаса ловзабеча тренировкашка дакъа лоацаш хургба вай мехкахой. Бе-беча моттигашкарча боккхагӀа болча тренерий, физкультурно-спортивни цхьанкхетарий декхар да массехк начӀал дола гимнастка хьахаржа», - аьлар хоамо.
Тхога хоам баьчо яхачох, уж хоржаш говзанчаша теркам тӏабохийтаргба тоабашца царна болх бе хара, шоайла тарлуш хилара, лела хара.
