Нальчикерча яхьашка толамца дакъа лаьцар вай гимнасткаша
«Лоаман чIагиргаш» яхача Ерригача Россе исбахьален гимнастиках йолча яхьашка дакъа лацар толам болаш хилар вай спортсменкашта. Из хоам «Сердалога» бир мехкарча Минспорта зарбан болх лелабеча ГIаппархой Аишас.
ГIаьбартой-Балкхарой мехкарча яхьашка шоай говзал гойташ дизза диъ ди даьккхар йиIигаша.
2010-ча шерарча гимнасткашца къовсаенна хиннача вай мехкахочо котало ера ший республиканна.
Мехкашта юкъерча кхыча яхье 5 совгIат даьккхар вай тоабо. 9 шу даьннарашта юкъе белгалбаьлар МутаIаланаькъан Алима, Савина Александра.
Дошо майдилгаш ера тоабанна Суворова Сафияс (2015), Ярметова Кизилгюла (2017), Ярметова Аминас ( 2020).
12 шу даьннарашта юкъе кхоалагIча моттиге эттар вай гимнасткаш, 2010-2011-ча шерашкарчарна юкъе КМС программах хьалхара, кхоалагIа моттигаш йоахаш белгалбаьлар.
