МагӀалбика гимназисташ салеӀа баьлар ишколан даькъ тӀарча лагере
03.07.2025 16:23
МагӀалбика №1 йолча Гимназе дешархой салеӀа, цхьацца хӀама Ӏомадаь баьлар ишкола коарча лагере, из болх беш яр салоӀача юкъа, яхаш, дийцар «Сердало» газетага «Даьхен лорбой» ганзо.
«Из дӀакъовлаш хиннача кхетачене ЛаьрххӀача операце доакъашхой бераша хоза хӀамаш кийчдаьдар. Цар гойтар халхараш, иллеш иштта доккха доаца драма дакъа ловзадир. Кхоллама яхьаш дӀахьош хиларах дешархоша шоай начӀал гойтар», - аьлар хоамо.
Лагерца Ӏадика ювцаш, бераша теркам тӀабахийтар шоаш дӀайихьача безамеча хана, шоайла барт болаш хоза ха массехк кӀира яккха шоай таро хиларах доаккхал дора цар. Хьехархошта баркал аьлар из болх дӀабахьарах.
Из сайре хозъяь керттера хиннараш дар, бераша шоаш хьадаь балхаш гойтар: сурташ, кулгкара ю хӀамаш, кхоллама проекташ.
