«Даьхе шоай дегашта мел еза, цунцара лерхӀам миштаб хьагойт цу наха, денал долча гӀулакхашца. Россе ФСБ анзорий оагӀон болхло волча Карлюков Сергейца, «Москонцертерча» Бачурин Ильяйца, «Россерча анзорий декхарий оагӀон ветеран» яхача моттига доакъашхо волча Лакизо Владимирца керттердарех дийцар оаха - кагирхой Даьхе лоархӀаш, цун гӀулакха кийча болаш кхебар», - аьлар Мехкадас. Республикан кулгалхочо белгалдир; бераш, кхувш латта кагирхой боккхача мехка Россе сий деш, из езаш баха Ӏомабар геттара лоархӀаме долга. Россе бахархой массахана из лорае кийча болаш, цу даькъера яхь лакхача лагӀа тӀа лоаттаеш хила беза.

«Даьхе лораяр - декхар, яхь» яха болам цу оагӀонца дувзаденнарашта хетабаь бар. Анзорашца кхетаченаш дӀакхухьаш; гойтамаш, тайп-тайпара вӀашагӀкхетараш деш; хьаллаьцар из мехка. Къилбаседа Кавказа ерригача моттигашка дӀахьош гӀулакх да из тахан. Мехкадас белгалдир, дӀахойодача хана а, анзорий моттигера декхараш лакха лоархӀаш, цар гӀулакх хьаллоацаш дӀагӀоргхилар.