Магасера керттера стадион тоае езарах, хьоахадир наха Мехкадаьга
11.11.2025 19:37
Бахархой хаттарашта жоп луш дIайихьача кхетаче, Мехкадас тIадиллар;шахьарерча Пхьарчанаькъан Мухьмада цIерах йолча керттерча стадиона хьал меттадоаладеш болх дIахьо, аьнна.
Магасерча вахархочо дийхар республикан кулгалхочунга; из тоаяйта, аьнна. Цу моттиге кийчо дIахьош я футбольни академи.
Шахьара да волча Тиймарзанаькъан Мусас яхачох, цу гIулакха йола проект кийча я, ахча а долаш да. ТIадоагIача шера, Дала аьннадале, болх дIаболабе лерхI; цунга хьежжа, маьтсела бетта хьалхарча деношка керттерча шахьарерча стадиона тIа ха дIакхахьа йиш йолаш хургба бахархой.
