ХӀама йохкача моттигашка кассаш латтий тахка, аьнна, тӀадиллар вай Мехкадас
ХӀама йохкача моттигашка кассови аппараташ латтий хьожаш, болх ба мехка дӀахьош. Цох лаьца дийцар Мехкадас ше дӀайихьача кхетаче гулбеннарашка.
ДӀадахача шера баьча тохкамо хьагойтар, хӀама йохкача 541 моттига юкъера 262 мара кассови аппараташ лелаеш ца хиннилга. Нийса ахаш (48,4%), из гӀулакх теркаме ца эцаш, болх беш хиннаб. Келаматанаькъан Махьмуд-Ӏаьлас белгалдир, из гӀулакх дикка тохкаш, кхоачамбоацараш дӀадоахаш, болх чакхбаккха беза, аьнна.
«ХӀара моттиге болх бераша шоай гӀулакх Ӏаьдала бокъонаш лоархӀаш, йоагӀаш йола йоал дӀателаш дӀахьоргдолаш тоаде деррига», - тӀадиллар Мехкадас. Иштта Республикан кулгалхочо белгалдир, бокъонаш лораеш, боаггӀача боараме къахьегараш, бокъонаш лоархӀаш боацараш бахьан долаш халача хьале увттийта йиш йоацилга. Мехкарча Минфина тӀадиллар Мехкадас, массайолча моттигашка хьожаш, кассови аппараташ латтий тохкаш чакхдовла, аьнна.
