ГӏалгӀайчен кулгалхочо тӀадиллар, Наьсарера стадион тоаяр
11.11.2025 18:47
ГӏалгӀай Республикан Кулгалхочо Келаматанаькъан Махьмуд-Ӏаьлас, «Гуччахьара къамаьл» деш, тӀадиллар ГӏалгӀай Республикан физически культуран, спорта Министерствонна Наьсарен-Шахьара Овшанаькъан Рашида цӀерагӀа Центральни стадион тоаяр.
Наьсарен вахархочо Имагожанаькъан Йоакъапа Мехкадаьга дийцар, Наьсарерча №1 йолча лицея юххерча стадиона хьал вочарех хилар. Цига Ӏомалуш йиъ футбола ишкол, иштта яйга атлетика я. Из хьалъяьча хана денз, цига ремонт яьяц.
ГӏалгӀай Республикан спорта министра Белхарой Руслана белгалдир, 2027-2028 шерашка цу даькъ тӀа тоадара балхаш де лаьрхӀа хилар.
