Цо белгалдир из цӀай чӀоагӀа лоархӀаме хилар, кортамукъале йолаш, боккха мохк дегӀабоалабеш йола оагӀонаш лораеш хьабоагӀаш из хилар, яхаш, дийцар «Сердало» газетага ГӀалгӀайчен Паччахьалкхен, Кулгалхочун зарбан болх лелабераша.

«ГӀалгӀайчено ший дакъа юкъехьу, Россе бокъонаш лора а еш, машар, цхьоагӀо лоаттаяра Къилбаседа Кавказе. Цо республикан бахархоех доаккхал ду ше аьлар, царна тӀема, спорта даькъ тӀа карагӀдоалар дукха да, аьттув хилба цар дӀадоладаь дика гӀулакхаш кхоачашде»,- белгалдаьккхар Мехкадас.

ГӀалгӀайчен Кулгалхочо дег чура баркал аьлар мехка берригача бахархошта; могаш болаш, ираз долаш, балха даькъ тӀа доккхий толамаш доахаш, дахалда шо. Цо тӀахьийхар шоай Даьхенцара безам совбаккхара, цун а ерригача Россе а хургдолчох тешара.

«Вай лаьтта машар, барт, цхьоагӀо хийла!» - цу дешашца чакхдаьлар мехка Кулгалхочун ловца боаккхаш дола дешаш.