ГӀалгӀайчен Кулгалхочо бахархой даькъалабийцар республикан Денца
Тахан ГӀалгӀайчен лоархӀаме ди да- республикан Ди. Мехка Кулгалхочо Келаматанаькъан Махьмуд-Ӏаьлас мехкахой даькъалабийцар цу денца.
«Вай къам дукхача халонех а котолонех а чакхдаьннад. Вай оагӀув хиннаб культура, Ӏадаташ, мотт лорабеш хьабаьхкача даьй денал, хьаькъал», - аьлар республикан кулгалхочо, исторически дагалоаттама оагӀув белгалъеш.
Цо теркам тӀабахийтар; гӀалгӀай къаман барт, цхьоагӀо йолаш; юкъара толамаш даха карагӀдоалаш хилара. Мехкадас иштта белгалдир моттигера вахара, экономикан даькъ тӀа хувцамаш хилар, цу юкъе Россе Президента лоархӀаме дакъа а лоацаш.
«Вай хьамсара ГӀалгӀайче дегӀаяра дика дакъа юкъедахьаш ба бахархой а. Шух хӀаране шоай къахьегамца, лакхача бехктокхамца, къамах дог лазаш хиларца дакъа лоац вай мохк дегӀабоалабеча», - аьлар цо дӀахо.
ТӀеххьара а ший къамаьл чакхдоалаш, Келаматанаькъан Махьмуд-Ӏаьлас, берригача бахархошта машар а республикан керда дикаш а хилар ловш, ловца баьккхар.
