«Мехкарча массаболча блогерашка ду аз ер къамаьл: ГӀалай мехка- ГӀалгӀайче дех оаха шо!» - язду республикан кулгалхочо. Мехкадас белгалдир, республике ухача хьаьшашта вӀашагӀбелла 280 км латташ, мехкара хозагӀа йола моттигаш йовзийташ туристически никъ болга. Наьсарера, Магасера болабенна Ахабоарзен орашка, ТӀаргимерча сангарашка, Ц1ей-Лоама моттигашка, иштта кхычахьа а кхоачаш ба из никъ.

«ДӀаьхий, доккха истори долаш, исторен оагӀонаш довзийташ йолча тамашийнача балхаца вӀашагӀъехкача гӀалаех бизза, беркате мохк ба ГӀалгӀайче», - белгалду Мехкадас. Мехка кулгалхочо иштта тӀатехар, тахан мехка дукха дикаш долга, отелаш хьайийлла, наькъаш дехкаш, туризма хьал тоадеш къахьегаш болга.