ГӀалгӀайчен Кулгалхочо дакъа лаьцар СКФО координационни кхетаче
ГӀалгӀайчен кулгалхочо Келаматанаькъан Махьмуд-Ӏаьлас, Къилбаседа Кавказа мехкий кулгалхоша дакъа лаьцар координационни кхетаче, из хетаяь яр кхерамзленца дувзаденнача керттерча хаттарашта, коррупцеца къовсам лоаттабара, СКФО бокъонаш лораяра болх Ӏалашбара. Цига кулгал деш вар РФ Президента ювцача моттигера викал Чайка Юрий, яхаш, дийцар «Сердало» газетага ГӀалгӀай Республикан кулгалхочун зарбан болх лелабераша.
«Терроризма духьала къовсам лоаттабара хаттараш техкар, хӀанз дӀахьош йолча лаьрххӀача операцеца дувзаденна, цун кхерамзлен Ӏалашо е езарца дувзаденна хаттараш а дийцар», - аьлар ГӀалгӀайчен Кулгалхочо ший телеграм оагӀон тӀа.
РФ Президента СКФО гӀолла волча викала аьлар, ше къамаьл деш, керттердар терроризма духьалара, кхыдола зуламаш дара духьалара белггалара болх чӀоагӀбе безаш хиларах, иштта кердача хьалашка кхерамзлен Ӏалашо яра хьалаш юкъедахарах латт, аьнна.
Дийцарех керттера лоархӀаш хинна хаттараш, Къилбаседа Кавказа федеральни даькъ тӀа кхерамзлен Ӏалашо яра декхараш, кхоачашде деза аьлар цо.
