«Лакхале» яхача преме дакъа лаца бех Мехкадас бизнесменаш
Кавказерча инвестиционни кхетачено дӏаболабир Ерригача Россе ӏӏӏ-ча «Лакхале» яхача инвестиционни премецара болх. Вай мехкадас Келаматанаькъан Махьмуд-ӏаьлас цу юкъе дакъа лаца тӏахьех мехкара бизнесменаш. Тушоле бетта 1-ча денга кхаччалца чуийдергда дехараш, хӏаьта котбаьннарий цӏераш маьтсела бетта 17-ча денгара 19-ча денга кхаччалца Минводе дӏахьоргйолча КИФ-2026 хьакхайкаергья.
Мехкара беррига бизнесменаш тӏахьехаш, моттиг я из. Дӏадахача шера Россе 49 моттигера 266 дехар дар чуденнар. Лоархӏаме инвестиционни проекташ, йоккхий компанеш хьаллацара тӏехьа дӏахьош ба из болх.
«Мехкара инвестораш, бизнесменаш, проектий кулгалхой «Лакхале» яхача преме дакъа лаца тӏахьех аз. Федеральни оагӏонга ший гӏулакх дӏадовзийта, ший проекташ теркалъяйта дика аьттув ба из», - белгалдир Мехкадас.
