ГӏалгӀайчен Кулгалхочо белгалдир, ток лоха хилара бахьанаш
ГӏалгӀайчен кулгалхочо «Гуччахьара къамаьл» дӀахьош, мехка бахархой хаттарашта жоп делар, цхьацца йолча юрташка токацара хьал дика латташ цахилар чулоацаш.
Цо белгалдир цун керттера бахьан. Дӏадахача шерашка тока боахам дегӀабоалабара дола хьалаш нийса дӀадохийташ ца хилча, цун кхы таро хилац цу даькъ тӀара болх кердабаккха а е из тоабе а. Цу ханашка денз, латташ дола хаттараш да уж. Цу тӀа тӀакхеташ да йоаяьча токах бола Ӏаьдала мах ший ханнахьа наха дӏалуш цахилар. Цу дерригне а тахан юхатох из хьал, цудухьа ший ханнахьа тоадара балхаш дӀадахьа, эшачунца из боахам ӏалашбе таро цахиларах, кхоачам боацарашка кхоач.
Кхы а цу юкъедоагӀаш да къайлагӀа майнинг-фермаш лелаяр. ДукхагӀча даькъе цигара хьадоагӀа ток ца тоъаш хилар. Мехкадас хьакхайкадир из хьал меттаоттадара шоаш де лаьрхӀар: «Къилбаседа Кавказа» МКРС еррига доалахье дӏаялар.
Еррига республикан подстанцеш, электросеташ мехкашта юкъера кӏийле йолаш хургья. Цо таро лургья из болх лерттӏа лелабе.
