ГӀалгӀайчен Кулгалхо хьежар Ӏаьлий-Юртара керда лицей кийча йий
ГӀалгӀайчен Кулгалхо Келаматанаькъан Махьмуд-Ӏаьла хьежар дукхача даькъоех латта, Ӏаьлий-Юрта керда хьалъяь, керда шу хьахилале хьаелла лерхӀаш йола лицей кийча йий. Из лоархӀаме дешара моттиг хьалъяьй «Дешар» яхача къаман проекта чуйоагӀаш, цига дешара эшаш мел дар Ӏалашдаьд.
«Лицея гӀишло кхозза вӀаштӀараяь я. Цу чу я 180 моттиг йола столови, тӀера барзкъа хьалъолла моттиг, юххьанцарча классай кабинеташ, дахчан, аьшка гӀирсаш дара технологеш чуйола кабинеташ, административни, новкъостала кабинеташ, лорий болх дӀабахьара йола моттиг, спортивни зал. Царел совгӀа, ишколе библиотека, дешара зал я, биологе, химе, физикан, информатикан, геграфе кабинеташ я.
Кердача гӀишлон чу, могашал эшаеннача берашта лаьрхӀа хьалаш вӀашагӀдехкад. Лифт я хӀара этажа тӀа», - аьлар мехка Кулгалхочо ший телеграм-канале.
Дешара оагӀув дегӀайоалаяра, цахадаш терко лоаттаю. 2019 шера денз 2024 шерга кхаччалца, мехка 33 ишкол хьалъяьй, цо таро хилийтар дешара дикал лакхъе. Карарча хана, ГӀалгӀайче кхы а пхиъ керда ишкол хьалъеш латт.
